Ish-ministri i Brendshëm, Saimir Tahiri ka qenë i parnishëm paradite e sotme në mbledhjen e grupit parlamentar të PS-së. Për herë të parë që pas shkarkimit Tahiri ka shprehur para Ramës shqetësimin e tij për shkurtimet e punonjësve në institucionet për vettingun. Në mbledhjen e sotme të grupit parlamentar të PS, deputeti Tahiri thotë se duhet të diskutohet shqetësimi i ngritur nga përfaqësuesit e këtyre institucioneve dhe nga opozita, sa i takon shkurtimeve.
“Kur këto institucione na thonë që sot se me këtë buxhet nuk po do bëjnë dot detyrën, çdo na thonë nesër. Ndaj mendoj se kjo çështje duket të paktën diskutuar. Ne nuk kemi asnjë raport llogari-dhënie me ato trupa, pasi kështu është ligji, por të paktën t’i japim atyre mundësinë për të bërë detyrën, në mënyrë që të mos justifikohen pastaj duke i dhënë përgjegjësinë qeverisë. Fatura në fund do të jetë e përbashkët. Ky është meraku im i vetëm. Se nesër do të thonë nuk u bë puna se nuk kishim buxhet. Mendoj se duhet të bëhet ndonjë modifikim”, tha deputeti Tahiri. /Opinion.al
