Ish-ministri i Brendshëm Saimir Tahiri ka mohuar çdo lidhje me Habilajt. Në një deklaratë të gjatë dhe emociale me mediat ai tha se është i papërfshirë në trafikun e drogës, por kushërinjtë e tij të 10 kanë keqpërdorur emrin e tij.
I vetmi gabim i imi tha Tahiri është se u shita makinën time personale Habilajve. “Unë duhet të kisha verifikuar se kujt po ia shisja makinën”, theksoi ai. Unë besoj tha ai se drejtësia do të zbardhë te verteten në lidhje me keqpërdorimin e emrit tim nga trafikantët e drogës.
Sot është një ditë jo e lehtë në raport me veten, familjne dhe tim bir. Por jo e lehtë edhe për ata që më njohin dhe që besojnë tek unë. Dy kriminelë kushërinjtë e mi të brezit të 10 guxuan të përmendin emrin tim, por unë menjëherë do të kërkoj nga prokuroria pa përfituar nga as njëlloj imuniteti të verifikohet gjithçka”, tha Tahiri.
Pjesë nga deklarata për mediat
Sot nuk është një ditë e lehtë për mua, për njerëzit që më njohin. Dy kriminelë, kushërinj të gradës së 10 janë arrestura për trafik. Ata kanë përmendur emrin tim. Kriminel ka pafund që përmendin emrin e politikanëve apo ministrave. Unë menjëherë do kërkoj personalisht, pa përfituar, duke hequr dorë nga imunitetit, të verifikohet gjithçka mbi mua dhe familjen time. Unë ndjej përgjegjësi edhe për kushërinjtë e gradës së 10 që më përmendin emrin. Në fakt kam bërë gabimin e madhe dhe të vetëm se iu kam shitur makinën time personale Habilajve. Unë duhet të kisha verifikuar se kujt po ia shisja makinën. Dënoj çdo veprimtari krimale dhe kërkoj që prokuroria ti hetojë deri në fund në bazë të ligjit.
