Ish-ministri i Brendshëm, Saimir Tahiri, të enjten në mbrëmje, përgjatë emisionit “Opinion”; ka kërcënuar se një ditë do të dalë e vërteta, duke nënkuptuar se kjo e vërtetë mund të dalë edhe pas burgut.
Kuvendi, ditën e sotme, do vendosë dorëzimin e tij në Prokurori.
Vetë ai gjatë emisionit “Opinion”, deklaroi disaherë se do të jem në burg dhe Prokuroria nuk kërkon hetimin e tij, por arrestimin. Menjëherë pas kësaj, Tahiri kërcënoi ‘armiqtë’.
Pavarësisht insistimit të gazetarëve që të tregojë emrat e “armiqve”, Saimir Tahiri ka “rreshqitur”. Por pa ndërprerë ka përmendur Ilir Metën- tani President i Republikës.
Për herë të parë, e përmendi të ‘mbështjellë’ më një frazëzim si të pakuptueshëm, të tipit: Po të kisha bërë ndere në ushtrimin e detyrës si ministër, do tëe kisha shumë miq, jo kaq shumë armiq. Një formulim të ngjashëm, thuajse pa asnjë ndryshim, fiks si një parafabrikat, e përdori disa herë.
Tashmë u kuptua mjaft qartë nga gazetarët dhe gjithçka u bë e kuptushme se “armik” i ish-ministrit të Brendshëm, është Ilir Meta.
Afër fundit të emisionit ai ka kërcënuar direkt “armikun”, Ilir Meta. Duke mbledhur grushtet që dukeshin në ekran, Tahiri tha se do të dijë t’u qëndrojë përballë armiqve. Këtë e ka thënë dy a tre herë, por me zë shumë të lartë dhe kërcënues.
Më në fund ai ka thënë se “Unë do të ëprballem në mënyrë spektakolare, sa kohë kam të vërtetën me vete”.
Marëdheniet e zotit Tahiri si ministër me kreyatrin e Kuvendit Meta, kanë pasur një oshilacion të dukshëm. Herë herë është thënë se ‘Meta i kërkon Ramës kokën e Tahirit por ky nuk e jep”. Herë tjetër ishte thënë se Tahiri priste në zyrë vrasës me pagesë që ‘kishin lidhje me disa qëllime të Metës kundër deputetëve”.
Me sa duket, tani në fund, Tahiri mendon se po e burgos Ilir Meta.
