14394 vaksinime janë kryer gjatë 24 orëve të fundit në vendin tonë. Kjo shifër është konfirmuar nga ministrja e Shëndetësisë, Ogerta Manastirliu nëpërmjet një postimi në rrjetet sociale.
Sipas ministres, në Shqipëri kanë mbërritur në total 1553626 doza të vaksinave kundër COVID-19.
Javët e fundit në vendin tonë është rritur ndjeshëm numri i viktimave dhe i rasteve të reja me COVID-19. Ministria e Shëndetësisë bëri me dije se gjatë 24 orëve në vendin tonë kanë humbur jetën 4 qytetarë nga COVID-19, teksa janë regjistruar 740 raste të reja./Opinion.al
