TIRANE- Eshtë njoftuar sot arrestimi i një shtetasi italian i cili akuzohet për pastrim parash. Sipas prokurorisë e cila bëri njoftimin e para shtetasi italian ka sjellë në bankë disa çeqe për klering nga një bankë e San Marinos me vlerë 640 mijë euro.
Sakaq policia në një njoftim tjetër për mediat thotë se Alessandro Donadon, 56 vjeç merrte shuma të ndryshme monetare nga San Marino drejt një Banke të nivelit të dytë në Tiranë dhe duke përdorur çeqe të falsifikuar tentonte ti dërgonte drejt shtetit Italian.
“Në cilësinë e provës materiale u sekuestruan: 450.000 (katërqind e pesëdhjetë mijë) euro në një bankë të nivelit të dytë”, thuhet në njoftimin e policisë.
Shpresojmë të jetë një lapsus ky dhe jo gabim i hetimeve pasi 640 mijë euro kanë një ndryshim të madh me 450 mijë euro!. /Opinion.al
Ja dy njoftimet që faktojnë shifrat kontradiktore
- njoftim i policise Tirane
- njoftim i prokurorise Tirane
