11 kg e 650 gram është sasia e kokainës së kapur sot në një kontejner me banane në portin e Durrësit
Në kontejner u gjetën 14 pako të ardhura nga Ekuadori. Sipas informacioneve, ngarkesa ishte nisur më 8 korrik nga porti i Pireut dhe ka mbërritur në Porin e Durrësit në 11 korrik.
Në lidhje me sasinë e drogës së sekuestruar është arrestuar Barjon Gumeni, vëllai nga nëna i Eduart Dautit, administratori i kompanisë që i përkiste ngarkesa me banane. Ndërkohë, personi i dytë i ndaluar, juristi i kompanisë, u la i lirë.
