Mediat online janë bërë sot e ardhmja e informacionit. Me zhvillimin e teknologjisë, këto media kanë arritur të kenë përfitime të mëdha por mënyra se si i paguajnë punonjësit ka diferenca të mëdha nga njëra-tjetra.
Një grafik i publikuar nga “CNBC”, tregon pagesat mesatare në një vit për punonjësit e disa prej kompanive më të mëdha online. Kështu “Facebook” rezulton kompania e cila ka pagesat më të larta, ku rroga mesatare e një punonjësi për 1 vit kap shifrat 240.430 dollarë.
Në vendin e dytë renditet kompania “Alphabet”, e cila i paguan punojësit mesatarisht 197.274 dollarë në vit.
Vendin e tretë e merr televizioni online “Netflix”, i cili çdo ditë e më shumë po rrit fitimet e tij kudo nëpër botë. Punonjësit e kësaj kompanie paguhen me 183.304 dollarë në vit.
Për habinë tonë, kompania “Amazon”, e cila është një prej kompanive me më shumë fitime në shitjet online, renditet në vendin e fundit për pagesat e punonjësve. Mesatarisht një punonjës i Amazon paguhet 28.446 dollarë në vit./Opinion.al
