Ministri i Mbrojtjes, Niko Peleshi, në një deklaratë për mediat, pas mbledhjes së sotme të qeverisë, u pyet nga gazetarët se sa kanë kushtuar dronët “Bayraktar” që Shqipëria bleu nga Turqia.
Peleshi nuk dha një shifër se sa kanë kushtuar këto dronë, pasi sipas tij, duhet ruajtur statusi i dokumentit të klasifikuar ushtarak që kjo kontratë ka.
“Ne e kemi bërë publike faktin që Shqipëria do të marrë një flotë dronësh, kemi firmosur kontratën në publik, por s’mund të jap më shumë informacione, duke ruajtur edhe statusin e një dokumenti të klasifikuar ushtarak që kjo kontratë ka”- tha Ministri i Mbrojtjes Niko Peleshi.
