Sipas revistës prestigjioze Bloomberg që çdo vit liston fitimet e miliarderëve të planetit, këtë vit 500 personat më të pasur në botë kanë fituar së bashku shifrën e 1.2 trilion dollarëve, rreth 25 % më shumë se viti i kaluar.
Njeriu më i pasur në botë vijon të mbetet themeluesi i Amazon, Jeff Bezos, i cili ka një pasuri prej 116 miliardë dollarë. Mëgjthatë, Bezos ka fituar 9 miliardë dollarë më pak se vitin e shkuar pasi i dha ish-gruas McKenzie rreth 36 miliard dollarë pas divorcit.
Nga ana tjetër, Bill Gates fitoi vitin e kaluar rreth 23 miliardë dollarë, ndërkohë që gëzon një pasuri prej 113 miliardë dollarësh.
Ai që ka fituar më shumë këtë vit ishte Bernard Arnault. Francezi zotëron korporatën më të madhe të luksit në botë, me emra si Louis Vuitton, Christian Dior, Fendi, Moet, Hublot etjerë dhe ka fituar këtë vit 37.7 miliardë dollarë, duke zënë vendin e tretë në klasifikim, me një pasuri personale me plot 106 miliardë dollarë.
Nuk mbeten pas Mark Zuckenberg me rreth 27.3 miliardë dollarë fitime këtë vit, deri tek themeluesit e Google Larry Page dhe Sergey Brin, me 14 dhe 13 miliardë dollarë më shumë.
E vetmja grua në dhjetë më të pasurit është trashëgimtarja e familjes industrialiste Koch, Julia, që ka një pasuri prej 61 miliardë dollarësh./Opinion.al
