Ndarja e Jennifer Aniston dhe Justin Theroux, sa vjen dhe bëhët më e qartë. Në fillim të gjithë menduan se ishte e papritur, mirëpo problemet për këtë çift kanë nisur që në momentin kur u martuan. Jennifer ishte padyshim vajza tipike kaliforniane. Ajo e adhuronte kohën që kalonte në vilën e saj, duke bërë joga, duke u argëtuar me qentë e saj dhe duke u ushqyer shëndetshëm, ndërsa nga ana tjetër Justin ishte një djalë njujorkez, i cili adhuronte motoçikletat dhe tatuazhet.
Të dy nuk kishin interes për pasionet e njëri tjetrit, dhe ishin shumë më të lumtur kur nuk ishin bashkë. Këtë gjë aktorja e kishte kuptuar ndaj vendosi ti jepte bashkëshortit të saj hapësirat e nevojshme, të cilat ai i shfrytëzoi deri sa kuptuan që kishte ardhur koha të ndaheshin. Kështu të paktën e tregon ndarjen e tyre “Hollywoodlife” me anë të një artikulli botuar së fundmi.
Kujtojmë se në fotot e fundit, aktorja e njohur është shfaqur shumë e mërzitur gjë që na lë të kuptohet se vendimi ka qenë më tepër nga ana e Justin se e saj.
