Edi Reja është zyrtarisht si trajneri i ri i Kombëtares shqiptare.
Ditën e sotme u zhvillua dhe një konferencë, ku për t’i uruar mirëseardhjen, ishte pranishëm dhe Presidentit i Federatës Shqiptare të Futbollit, Armand Duka.
Duke u shpreh se me ardhjen e Edi Reja në stolin e kombëtares skuadra do të bëjë hapa para.
Ndërkohë, Reja teksa firmosi kontratën, trajneri i Kombëtares ka falenderuar Presidentin Duka për besimin. Po ashtu ai zbuloi se si kontaktoi me Dukën për t’u bërë trajneri i kuqezinjëve.
Reja u shpreh se kantrata si trajneri i kombëtares do të zgjas deri nëntor, duke shtuar se nuk i ka qejf kontratat e gjata.
“Shpresoj që të krijoj një marrëdhënie shumë të mirë me shtypin edhe pse nuk është e lehtë. Falenderoj presidentin Duka që më besoj mua. Isha i ftuar për të parë ndeshjen e parë të kombëtares shqiptare. Kisha një kontakt me Dukën, pasi unë kisha ardhur për të parë futbollistë të ndryshëm, por presidenti më bëri kërkesë.
Kontrata ime do të përfundojë në nëntor dhe më pas do të shikojmë nëse do të ketë një kontratë për një vit tjetër. Edhe në eksperiencat e mia të mëparshme kam firmosur për një sezon dhe më pas kam rinovuar. Kisha mundësi për të drejtuar një skuadër në Seria A, por më pëlqente një ide për të drejtuar kombëtaren. Lojtarët duhet ta ndjejnë fanellën që mbajnë veshur. Shqipëria ka kualitete që duhet të dalin në sipërfaqe”-tha Reja.
Reja pason Panuçin i cili u largua vetëm pak ditë më parë, pas performancës jo të mirë me skuadrën Kombëtare./ Opinion.al E.Xh.
