Opozita gjithnjë ka kontestuar procesin si u zgjodh Kryeprokurorja Arta Marku dhe jo emrin e saj. Kështu thonë eksponentë të PS, por kështu tha mbrëmë edhe Edi Rama, madje shtoi se “Arta Marku vjen nga shtresa e te persekutuarve që janë votues të PD por që demokratët kurrë nuk i kanë mbështetur. Kështu pyetja që lind është a do të qendrojë Arta Marku në detyrë vetëm dy muaj sa u fol në fillim?
Përgjigjen e jep deputeti i PS, Pjerin Ndreu: “Unë e di të përkohshme kryeprokuroren, por mund të jetë e përhershme, cfarë problemi ka? Opozita thotë ne nuk kemi gjë me emrin, por me procesin” deklaroi ai në emisionin ’45 minuta’ në A1Report. Reforma në Drejtësi në 2018 do të shkaktojë një tërmet që nuk është parë ndonjëherë, sipas Ndreut.
“Reforma në drejtësi është tërmet që nuk është parë dhe dëgjuar ndonjëherë jo në Shqipëri, por në asnjë vend të botës. Pas vettingut në Drejtësi ka një grup që është objekt i SPAK, ministria, deputetë, kryeministra dhe Presidentë. Nuk do të shpëtojë askush nga SPAK”, theksoi ai.
