Komisioni Qëndror i Zgjedhjeve në mbledhjen e zhvilluar këtë të enjte, ka marrë disa vendime.
Sipas KQZ, është përcaktuar vlera e një vote të vlefshme që është 85 lekë të reja. Gjithashtu kryekomisioneri Ilirjan Cilibashi bëri me dije se nga fondi prej 130 mln lekësh, PS përfiton 48.6% të vlerës së buxhetit, PD merr 39.4%, LSI 6.8% dhe PSD 2.2%, ndërsa për partitë e tjera të përfshira në zgjedhjet e 25 prillit, përfshirë edhe aleatët e opozitës nuk do të ketë kompensim financiar, pasi në vlerësimin e KQZ ato nuk kanë kaluar pragun e 1% të votave.
Ndërkohë janë 106 parti politike, të cilat nuk kanë dorëzuar raport vjetore financiare. Për këto parti KQZ vendosi: Gjobë në masën 1 000 000 deri në 2 000 000 lekë./Opinion.al
