Kryeministri i Rusisë, Dimitry Medvedev, ka miratuar zbritjen e çmimit të gazit natyror për Ukrainën. Qeveria ruse ka njoftuar se çmimi do të ulet nga 230 dollarë për një mijë metra kub në 212.2 dollarë. Aktualisht, një mijë metra kub gaz tregtohen për rreth 170 dollarë në tregjet evropiane.
Më herët, ministri i Energjisë i Ukrainës, Volodymyr Demchyshyn, ka thënë se vendi i tij është i gatshëm të blejë gazin rus në çerekun e parë të vitit 2016 nëse çmimi zbret nën 200 dollarë.
