“Departamenti Amerikan i Shtetit po punon për të hequr arrogantin Volodymyr Zelensky”, tha Shërbimi i Inteligjencës së Jashtme ruse (SVR) në një deklaratë të parë nga Tass.
“Sipas informacionit të marrë nga SVR, Departamenti Amerikan i Shtetit vazhdon të punojë për skenarët e zëvendësimit të lidershipit aktual në Ukrainë, nëse është e nevojshme. Ndër mënyrat e tjera ‘legjitime’ për të hequr Zelenskyn ‘jashtëzakonisht arrogant’, Uashingtoni po shqyrton mundësinë e mbajtjes së zgjedhjeve presidenciale dhe atyre parlamentare në Ukrainë, në mes të armiqësive të vazhdueshme me Rusinë vitin e ardhshëm”, thuhet në deklaratë.
Kujtojmë se me fitoren e Donald Trump në zgjedhjet presidenciale në SHBA, pritet edhe një ndryshim në politikën e jashtme amerikane, lidhur me luftën mes Rusisë e Ukrainës.
Mijëra persona, civilë e ushtarakë, kanë humbur jetën në Ukrainë që nga nisja e luftimeve në shkurt të vitit 2022, pas agresionit të pajustifikuar nga Rusia kundër fqinjit të vet perëndimor.
