Rusia është kundër një armëpushimi 30-ditor në Ukrainë. Këtë e bëri të qartë Juri Ushakovi, ndihmës i presidentit rus Vladimir Putin në një intervistë për televizionin shtetëror rus në ditën kur në Moskë ndodhet i dërguari i posaçëm të Shtëpisë së Bardhë Steve Witkoff për t’ia parashtruar palës ruse propozimin, për të cilin ukrainasit shprehën gatishmëri në takimin për delegacionin amerikan në Arabinë Saudite në fillim të kësaj jave.
“Ky propozim s’bën gjë tjetër veçse një i jep një pushim të shkurtër ushtrisë ukrainase. Ne synojmë një zgjidhje që sjell paqe afatgjatë”, tha Ushakov.
Ushakov tha po ashtu se amerikanët e kuptojnë se Rusia nuk do ta pranojë kurrë anëtarësimin e Ukrainës në NATO.
Ndërkaq ukrainasit duken të angazhuar për t’i hapur rrugë bisedimeve të paqes.
Ushtria ruse publikoi pamjet e rimarrjes nën kontroll të territoreve të pushtuara prej gushtit 2024 nga ukrainasit në rajonin e Kurskut.
Ushtria ukrainase vendosi të tërhiqet. Zonën e vizitoi të mërkurën edhe presidenti rus Vladimir Putin.
Ndërsa Sekretari i Përgjithshëm i NATO-s Mark Rute do të diskutojë këtë të enjte në Shtëpinë e Bardhë me presidentin amerikan Donald Trump për Ukrainën./ Tv Klan
