Rusia ka publikuar video të tankeve që tërhiqen nga kufiri me Ukrainën dhe kthehen në bazë.
BBC shkruan se ka qenë Ministria e Mbrojtjes e Rusisë, ajo që ka publikuar pamje zyrtare që tregojnë një numër tankesh dhe automjetesh të blinduara të saj duke u larguar nga zona afër kufirit ukrainas.
Më herët zëdhënësi i ministrisë ruse të mbrojtjes tha se disa forca të dislokuara pranë Ukrainës kishin përfunduar stërvitjet e tyre dhe ishin duke bërë gati gjërat për t’u larguar.
“Njësitë e distrikteve ushtarake jugore dhe perëndimore, pasi kanë përfunduar detyrat e tyre, tashmë kanë filluar ngarkimin në transportin hekurudhor dhe rrugor dhe sot do të fillojnë të lëvizin në garnizonet e tyre ushtarake”, tha zëdhënësi kryesor i ministrisë, Igor Konashenkov, për agjencitë ruse të lajmeve./Opinion.al
#Видео Погрузка на железнодорожный транспорт для убытия в пункты постоянной дислокации подразделений Южного военного округа.#Минобороны #АрмияРоссии #ЮВО pic.twitter.com/p60Ww2gZKK
— Минобороны России (@mod_russia) February 15, 2022
