Rusia pretendon se e ka përzënë një anije të Shteteve të Bashkuara që dyshohet se u përpoq të ndërhynte në ujërat territoriale ruse gjatë stërvitjeve detare ruso-kineze në Detin e Japonisë.
Shtetet e Bashkuara ende nuk e kanë komentuar këtë pretendim.
Incidenti raportohet në kohën kur marrëdhëniet mes Moskës dhe Shteteve të Bashkuara si dhe vendeve tjera perëndimore janë në nivelet më të ulëta që nga përfundimi i Luftës së Ftohtë.
Mosmarrëveshjet kanë të bëjnë me ndërhyrjen e Rusisë në zgjedhjet e SHBA-së, konfliktin në Ukrainë dhe sulmet kibernetike të supozuara nga hakerat rusë.
Ministria ruse e Mbrojtjes tha në një deklaratë se anija ruse iu afrua asaj amerikane pasi ishin injoruar paralajmërimet për të dalë nga zona.
Pasi “bënë një përpjekje për të kaluar kufirin detar rus”, anije e SHBA-së ndryshoi drejtim dhe doli me shpejtësi nga zona në një moment kur të dy anijet ishin vetëm 60 metra larg njëra -tjetrës, tha ministria.
Më herët, ministria tha se Rusia dhe Kina kishin mbajtur stërvitje të përbashkëta detare në Detin e Japonisë.
Ushtrimet kishin për qëllim të dëshmonin fuqinë sesi të shkatërrohet mjetet lundruese të armikut.
Kohët e fundit ka pasur një seri incidentesh potencialisht të rrezikshme midis avionëve luftarakë rusë dhe të NATO -s.
NATO-ja e ka akuzuar Moskën për manovra agresive në ajër dhe në det./REL
