Rusia do të nisë të premten anijen e saj të parë kozmike të uljes hënore në polin jugor të Hënës, një burim i mundshëm uji për të mbështetur një prani të ardhshme njerëzore atje.
Anija kozmike Luna-25 do të niset më 11 gusht në orën 2 të Moskës, njoftoi Roscosmos në një deklaratë, në një kohë kur fuqitë botërore si SHBA dhe Kina kanë misione të shumta në Hënë.
Terreni i ashpër e bën uljen të vështirë, por poli jugor është një destinacion i çmuar, sepse shkencëtarët besojnë se mund të mbajë sasi të konsiderueshme akulli që mund të përdoren për të nxjerrë karburant dhe oksigjen, si dhe për ujë të pijshëm.
Agjencia ruse hapësinore Roscosmos tha se anijes së saj kozmike Luna-25 do t’i duheshin pesë ditë për të fluturuar në Hënë dhe më pas do të kalonte pesë deri në shtatë ditë në orbitë hënore përpara se të zbriste në një nga tre vendet e mundshme të uljes pranë polit.
Roscosmos tha se të dy misionet nuk do t’i pengojnë njëri-tjetrit sepse kanë planifikuar zona të ndryshme uljeje.
Chandrayaan-3 do të kryejë eksperimente për dy javë, ndërsa Luna-25 do të punojë në Hënë për një vit.
Misioni i fundit në Hënë u krye në kohën e Bashkimit Sovjetik, dhe ishte sonda hapësinore Luna 24, në 1976./Opinion.al
