Asambleja e Përgjithshme e Kombeve të Bashkuara ka pezulluar Rusinë nga Këshilli për të Drejtat e Njeriut gjatë një sesioni të zhvilluar në Nju Jork. Pezullimi i Rusisë nga Këshilli i të Drejtave të Njeriut u bë me 93 vota pro, 24 kundër dhe 58 abstenim.
Ky pezullim vjen pas akuzave për krime lufte nga trupat ruse në Ukrainë.
Përpara se të hidheshin votat, ambasadori i Ukrainës në OKB Sergiy Kyslytsya akuzoi Rusinë për abuzime “të tmerrshme”, duke ngritur çështjen e vrasjeve të dyshuara të civilëve në Bucha.
Për pezullimin e Rusisë ka reaguar edhe kryeministri Edi Rama, i cili përmes një postimi në rrjetin social “Twitter”, shkruan se ky është një refuzim i fortë “për të pranuar shkeljen brutale të çdo lirie e të drejte dhe krimet mizore të luftës në Ukrainë”.
“Pezullimi i Rusisë nga Këshilli i Sigurimit një refuzim i fortë për të pranuar shkeljen brutale të çdo lirie e të drejte dhe krimet mizore të luftës në Ukrainë. Rreshtimi i Serbisë përsëri me Perëndimin në këtë përshkallëzim të ri kundër agresionit rus, lajm i mirë për rajonin!”-shkruan Rama./Opinion.al
Pezullimi i Rusisë nga Human Rights Council në OKB refuzim i fortë për të pranuar shkeljen brutale të çdo lirie e të drejte dhe krimet mizore të luftës në Ukrainë.Rreshtimi i Serbisë përsëri me Perëndimin në këtë përshkallëzim të ri kundër agresionit rus, lajm i mirë për rajonin!
— Edi Rama (@ediramaal) April 7, 2022
