Ministri i Jashtëm rus, Sergei Lavrov deklaroi se sa i takon çështjes së Kosovës, Rusia këmbëngul në zbatimin e Rezolutës 1244 të Këshillit të Sigurimit të OKB-së por shtoi se do të pranojë çdo zgjidhje që i përshtatet Serbisë.
“Moska këmbëngul në zbatimin e Rezolutës 1244 të Këshillit të Sigurimit të OKB-së, që përfshin edhe dialogun e drejtpërdrejtë ndërmjet Prishtinës dhe Beogradit, si dhe respektimin e integritetin territorial serb. Në këtë kontekst ne do të kontribuojmë në çdo mënyrë të mundshme në gjetjen e zgjidhjes”, tha kryediplomatit rus.
“Ne kemi theksuar vazhdimisht se do të pranojmë çdo zgjidhje që i përshtatet Serbisë dhe pikë”, shtoi Lavrov pas takimit të zhvilluar në Moskë me homologun serb, Ivica Daçiç.
Daçiç sqaroi se kishin diskutuar edhe mbi takimin e dytë gjatë këtij viti mes presidentin rus, Vladimir Putin, dhe atij serb, Aleksandar Vuçiç, që do të zhvillohet në kuadër të forumit “Brezi dhe rruga”, në datat nga 25 deri më 27 prill në Kinë.
“Serbia nuk është në gjendje të mbrojë interesat e vendit pa ndihmën e Rusisë”, tha Daçiç, që nënvizoi se Beogradi nuk do të ndërmarrë asnjë veprim lidhur me Kosovën, pa u konsultuar më parë me aleatët rusë.”/Opinion.al
