Rusia ka vendosur të testojë një raketë në hapësirë, cila mund të shkatërrojë satelitët civilë dhe ushtarakë.
Raketa u nis nga baza ushtarake në Plesetsk, rreth 800 kilometra nga Moska dhe nuk ka shënjestruar ndonjë satelit, megjithatë testimi KA rritur tensionet mes Moskës dhe Uashingtonit dhe ka marrë reagimin e ashpër të Pentagonit.
“Testimi është provë e advokimit hipokrit të Rusisë për kontrollin e armëve në hapësirë, nga momenti që nuk kanë asnjë dëshirë për të ndalur armët e tyre”, deklaroi gjenerali amerikan, John Raymond, komandanti i Forcës Hapësinore të ushtrisë amerikane.
Testime ushtarake në hapësirë, që analistët i quajnë tashmë si fronti i ri i tensioneve gjeopolitike, janë ndërmarrë edhe nga vetë Shtetet e Bashkuara, Kina dhe kohët e fundit edhe nga India./Opinion.al
