Rusia ka mohuar raportimet se i ka kërkuar Kinës mbështetje ushtarake. “Rusia nuk i ka kërkuar Kinës ndihmë ushtarake dhe është në gjendje t’i arrijë qëllimet e saj në Ukrainë vetë”, tha të hënën zëdhënësi i Kremlinit, Dmitry Peskov. Ai shtoi se të gjitha planet e Rusisë në Ukrainë do të përmbushen plotësisht dhe në afatet kohore të përshkruara.
Zyrtarët amerikanë, kishin thënë se Rusia i kërkoi Kinës pajisje ushtarake për të ndihmuar në pushtimin e saj.
Kremlini tha gjithashtu sot se SHBA-ja dhe BE-ja po përpiqet të tundojnë Rusinë për të sulmuar qendrat kryesore të popullsisë në Ukrainë, duke shtuar se ata i konsiderojnë sjellje të tilla si një “provokim”.
Moska gjithashtu “i ka kushtuar vëmendje” vërejtjeve të SHBA-së dhe BE-së që sugjerojnë se presidenti rus Vladimir Putin nuk është “i kënaqur me rrjedhën e operacionit special ushtarak në Ukrainë”, tha Kremlini.
Në lidhje me sanksionet e vendosura ndaj Rusisë nga Perëndimi, Peskov tha se “efektet e luftës ekonomike kundër Rusisë do të minimizohen”./Opinion.al
