Diplomati Agim Nesho ka bërë një krahasim të luftës së Izraelit me Hamasin me atë të Ukrainë-Rusi.
Teksa në Gaza vijojnë të vdesin civilë, Nesho tha se po të mos ekzistonin grupimet terroriste në Gaza, Perëndimi do kishte reaguar më shpejt për civilët.
Diplomati shpjegoi dhe deklaratën e fundit e liderit bjellorus Aleksandër Lukashenko, i cili edhe pse cilësohet si “zar i Putinit” ka thënë se Rusia po e humbet luftën.
Agim Nesho: Ça ka ndodhur dje? Dje, Lukashenko që nuk është gjë tjetër, nuk përfaqëson gjë, pati guximin të thotë se “luftën në Ukrainë nuk e fiton Rusia.” Domethënë gjithë analiza sot në botë ishte si është e mundur që Lukashenko që është një ‘zar i Putinit’ të japë një deklaratë të tillë që “Rusia ka humbur luftën dhe kërkon të kthehet në tryezën e bisedimeve.” Këtu është momenti që Perëndimi po shikon mundësinë e imponuar nga gjithë ky opinion ndërkombëtar që është ngritur në mbrojtje të njerëzve të pafajshëm, me të drejtë, për të gjetur një zgjidhje. Pa diskutim! Këtu ka një gjë, organizatat terroriste e mbajnë popullsinë civile si mbrojtje.
