Rusia do të ndihmojë Greqinë në situatën e krijuar nga zjarret. Mediat greke shkruajnë se tre avionë gjigandë rusë, një Beriev 200 dhe dy Ilyushin il-76 do të hedhin njëkohësisht 110 tonë ujë në frontet në Evia dhe Peloponez, për të vënë nën kontroll zjarret që kanë shpërthyer në Greqi.
Sipas informacioneve ekskluzive të protothema.gr planifikimi i mbrojtjes civile ka përfunduar dhe në orët e ardhshme avioni amfib rus Beriev, së bashku me dy gjigantët Ilyushin, do të përpiqen të ndalojnë vatrat e zjarrit.
Pilotët e avionëve kanë operuar në Greqi për një kohë të gjatë dhe njihen më mirë me veçoritë dhe terrenin, dhe do të ndjekin nga afër dy gjigantët Ilyushin.
Të tre avionët e shuarjes së zjarrit së bashku do të lëshojnë 110 tonë ujë në të njëjtën kohë: 12 ton Beriev dhe nga 49 ton secili Ilyoushin.
Koha e operacioneve mbahet sekret, megjithatë ka shumë të ngjarë që një operacion të zhvillohet në mëngjes një dhe tjetër pasdite.
Për të koordinuar operacionin, janë zhvilluar negociata midis Greqisë dhe palës ruse, e cila, pas urdhrit të Presidentit Vladimir Putin, dërgoi dy Ilyushinët e mëdhenj në Greqi vetëm 24 orë më parë për të ndihmuar në shuarjen e zjarrit.
Hedhja e njëkohshme e 110 tonë ujë, një digë uji për të ndaluar zjarrin që do të tentohet për herë të parë në Greqi, do të bëhet në koordinim me forcat tokësore dhe policinë, në mënyrë që të mos ketë banorë, vullnetarë apo brigada zjarri.
