Rusia ka lëshuar një urdhër arresti ndërkombëtar për shtetasen Svetlana Valeryevna Timofeyeva, e cila u arrestua në uzinën e Gramshit, së bashku me një shtetas rus dhe një ukrainas.
Sipas agjencisë së lajmeve TASS, gjykata në Meshçasky deklaron se Timofeyevan akuzohet se në mënyrë të paligjshme ka siguruar informacion të klasifikuar.
Emri i saj i plotë dhe data e lindjes, 19 mars 1989, që janë përmendur në gjykatë lidhur me Timofeyevan, janë të dhëna të njëjta si të fotografes ruse, Svetlana Timofeyeva, e cila po ashtu njihet si Lana Sator.
Gjykata e ka dhënë vendimin në mungesë ndaj Timofeyeva-s, ndërsa kërkon ekstradimin e saj.
Timofeyeva së bashku me rusin Mikhail Zorin dhe ukrainasi Fedir Mykhaylov u kapën më 20 gusht në uzinën e armëve në Gramsh.
Timofeyeva njohet si blogere që bën fotografi të fabrikave funksionale dhe atyre të braktisura, dhe i publikon në llogarinë e saj në Instagram, në të cilën ka mbi 250 ndjekës.
Aktualisht gjykata e Elbasanit ka dhënë masën e sigurisë “arrest me burg” për 3 personat e arrestuar.
