Kremlini nuk i dha rëndësi urdhrit të arrestit të lëshuar nga Gjykata Penale Ndërkombëtare (ICC) kundër Presidentit rus Vladimir Putin, por duket se situata mund të bëhet edhe më e rëndë.
“Rusia, si disa shtete të tjera, nuk e njeh juridiksionin e asaj gjykate dhe rrjedhimisht, nga pikëpamja e ligjit, vendimet e asaj gjykate janë të pavlefshme”, tha zëdhënësi i Presidencës, Dmitri Peskov. Por, tani Moska duket se ka marrë “vendim” ndaj kësaj gjykate.
Dmitri Medvedev, ish-Presidenti rus midis viteve 2008 dhe 2012 dhe nënkryetar aktual i Këshillit të Sigurimit, kërcënon Gjykatën e Hagës me një sulm të mundshëm. “Është plotësisht e mundshme. Ne jemi të gjithë në mëshirën e Zotit dhe raketave”, shkroi ai në kanalin e tij Telegram të hënën, pikërisht kur Presidenti kinez Xi Jinping udhëtoi në Moskë për të takuar Putinin.
Në këtë mënyrë, Medvedev nuk përjashton që Rusia të nisë një sulm preciz ndaj selisë së Gjykatës, që do të nënkuptonte një përshkallëzim të ri të luftës, duke sulmuar një territor të huaj për Ukrainën (Holandën).
“Përdorimi i një rakete hipersonike Onyx të lëshuar nga një anije ruse nga Deti i Veriut kundër selisë së Tribunalit në Hagë është i imagjinueshëm”, thotë Medvedev.
“Zotërinj gjyqtarë, shikoni me kujdes qiellin…”, është kërcënimi i Medvedevit.
