Rusia ka kaluar nga 40% e forcave ushtarake të saj në Ukrainën në rreth 75%, tha një akademik ushtarak.
Shifra prej 75% është cituar gjithashtu nga një zyrtar i lartë i mbrojtjes amerikane.
Dr Jack Watling është një studiues në fushën e luftës tokësore dhe shkencave ushtarake në Institutin Mbretëror të Shërbimeve të Bashkuara.
Ai tha për programin “Today” të BBC Radio 4 se një numër i madh i trupave ruse po përparojnë në jug nga Bjellorusia dhe po fillojnë të vendosin kushtet për të qenë në gjendje të kryejnë një sulm në Kiev.
I pyetur në lidhje me sugjerimin se Rusia ka përdorur raketa grad në zonat e banuara në Kharkiv, ai i përshkruan këto armë si sisteme raketash janë lëshuar të padrejtuara në një zonë.
“Është fakti që ata janë të padrejtuar dhe po vendosin sasi të mëdha eksplozivi të edhe në zona me popullsi të dendur civile,”-tha ai.
Ushtria ukrainase nuk funksionon më në formacione ushtarake, por tani në pozicione mjaft të fiksuara mbrojtëse dhe duke u bërë gjithnjë e më shumë pjesë e mbrojtjes territoriale dhe forcës vullnetare me të cilën po vepron, shtoi ai.
