Rusia goditi objektivat ushtarake në qytetin perëndimor ukrainas Lviv, pranë kufirit polak, me raketa lundrimi me precizion të lartë, tha të dielën ministria ruse e Mbrojtjes.
Forcat e Putinit goditën një depo karburanti që përdorej nga forcat ukrainase pranë Lviv me raketa me rreze të gjatë veprimi dhe përdorën raketa lundrimi për të goditur një fabrikë në qytet që përdorej për riparimin e sistemeve anti-ajrore, stacionet e radarëve dhe tanke.
“Forcat e armatosura të Federatës Ruse vazhdojnë aksionet sulmuese si pjesë e operacionit special ushtarak”, tha ministria.
Ndër të tjera në deklaratë thuhej se Rusia përdori raketa me rreze të gjatë për të shkatërruar një arsenal të raketave S-300 dhe sisteme raketore anti-ajrore BUK pranë Kievit.
Forcat ruse shkatërruan gjithashtu një numër dronësh, thanë ata./Opinion.al
