Rusia raportoi sërish mbi 10 mijë raste të reja nga koronavirusi për 24 orët e fundit. Kjo e con totalin e të prekurve në vend në 242,271.
Ndërkohë, autoritetet raportuan se 96 pacientë humbën jetën brenda natës, duke e cuar numrin zyrtar të viktimave në 2.212.
Aktualisht Rusia ka numrin e dytë më të lartë të infeksioneve të konfirmuara në të gjithë botën, pasi ka kapërcyer Italinë dhe Britaninë e Madhe.
Mes të infektuarve ndodhen dhe zyrtarë të nivelit më të lartë. Dmitry Peskov, zëdhënësi i presidentit rus, Vladimir Putin, pohoi se ka dalë pozitiv në testin për koronavirus.
Infeksioni ka prekur edhe kryeministrin rus, Mikhail Mishustin, ministren e Kulturës, Olga Lyubimova dhe ministrin e Infrastrukturës, Vladimir Yakushev./Opinion.al
