Është aprovuar nga Dhoma e Ulët e parlamentit në Rusi ligji që lejon dënimin me burg deri në 15 vite për për personat që përhapin informacion “të pavërtetë.”
Pas aprovimit të këtij ligji, drejtuesi i përgjithshëm i BBC, Tim Davie, ka bërë të ditur se kompania britanike e lajmeve do të pezullojë përkohësisht punën e të gjithë gazetarëve të saj në Rusi.
Siç bëhet e ditur, BBC News në rusisht do të vijojë të transmetojë por nga jashtë Rusisë, kurse gazetarët në Ukrainë dhe kudo tjetër në botë do të vijojnë të raportojnë për pushtimin.
“Ky legjislacion duket se kriminalizon procesin e gazetarisë së pavarur. Nuk na lë zgjidhje tjetër veçse të pezullojmë përkohësisht punën e të gjithë gazetarëve të BBC News dhe stafit të tyre mbështetës brenda Federatës Ruse, ndërkohë që ne vlerësojmë ndikimin e plotë të këtij zhvillimi të padëshiruar. Shërbimi ynë i BBC Neës në Rusisht do të vazhdojë të funksionojë nga jashtë Rusisë. Siguria e stafit tonë është parësore dhe ne nuk jemi të përgatitur t’i ekspozojmë ata ndaj rrezikut të ndjekjes penale thjesht për kryerjen e detyrave të tyre. Do të doja t’u përgëzoja të gjithëve, për guximin, vendosmërinë dhe profesionalizmin e tyre. Ne mbetemi të përkushtuar për të vënë në dispozicion informacion të saktë dhe të pavarur për audiencën në mbarë botën, duke përfshirë miliona rusë që përdorin shërbimet tona të lajmeve. Gazetarët tanë në Ukrainë dhe në mbarë botën do të vazhdojnë të raportojnë për pushtimin e Ukrainës”,-u shpreh Davie./ Opinion.al
