Zyra për shtyp e presidentit ukrainas, Volodimir Zelenski, bëri me dije se Ukraina dhe separatistët pro-rusë kanë përfunduar një shkëmbim të shumëpritur të të burgosurve, në pritje të një këmbimi final të këmbimit të gjithë të të dënuarve.
Zyra e shtypit saktësoi gjithashtu se 76 të burgosur janë kthyer në shtëpi ndërsa Zelenski e paraqiti këtë si provë se po bën gjithçka mundet për të mbajtur premtimin për ti kthyer ata në shtëpi .
Premtim ky i bërë gjatë samitit të Parisit më herët këtë muaj, nga ai dhe presidenti Putin, të cilët u zotuan se do të përgatisin terrenin për shkëmbimin e të burgosurve.
Kjo lëvizje nga autoritetet ruse dhe ukrainase ka për qëllim përmirësimin e lidhjeve mes dy vendeve. Marrëdhëniet midis dy vendeve u përkeqësuan në vitin 2014, kur Rusia aneksoi gadishullin e Krimesë të Ukrainës. Kryengritësit e mbështetur nga Rusia filluan atëherë një kryengritje në rajonin Donetsk dhe Luhansk të Ukrainës lindore./Opinion.al
