Rusia dhe Bjellorusia po zgjasin stërvitjet ushtarake që do të përfundonte të dielën, tha ministri i mbrojtjes së Bjellorusisë, në një hap që intensifikon më tej presionin ndaj Ukrainës, ndërsa liderët perëndimorë paralajmërojnë për një pushtim të afërt rus.
Ministri Bjellorusi tha se vendimi ishte marrë “në lidhje me rritjen e aktivitetit ushtarak pranë kufijve të jashtëm” të Rusisë dhe Bjellorusisë dhe për shkak të rritjes së tensionit në rajonin Donbass të Ukrainës lindore.
NATO thotë se Rusia ka deri në 30,000 trupa në Bjellorusi dhe mund t’i përdorë ato si pjesë e një force pushtuese për të sulmuar Ukrainën, megjithëse Moska mohon ndonjë qëllim të tillë.
Kryeministri britanik Boris Johnson tha në një intervistë për BBC të transmetuar të dielën se shefi i Kremlinit Vladimir Putin mund të mos jetë duke menduar logjikisht kështu që kërcënimi i sanksioneve mund të mos jetë i mjaftueshëm për të penguar një pushtim rus të Ukrainës, shkruan Reuters./Opinion.al
