Një ngjarje e rëndë ka ndodhur këtë të martë në një kopsht fëmijësh në Rusi. Mediat e huaja raportojnë se një person ka qëlluar me armë brenda ambienteve të kopshtit dhe si pasojë tre persona mbetën të vdekur.
Viktimat janë dy fëmijë dhe një mësues, tha për AFP kreu i departamentit të informacionit të rajonit Ulyanovsk, Dmitry Kamal. Raportohet se fëmijët mund të kenë qenë në grupmoshën 3-6 vjeç.
Ngjarja ndodhi në rajonin e Ulyanovsk të Rusisë, ndërsa njoftohet se agresori në fund ka vrarë veten.
Hetuesit ndodhen në vendngjarje dhe po punojnë për zbardhjen e plotë të ngjarjes.
