Qendra e qytetit të Odessës në Ukrainë, është shndërruar në një qytet fantazmë, e barrikaduar me thasë rëre, duke u bërë kështu gati për betejë, edhe pse bombardimet në këtë qytet nuk kanë nisur ende.
Për ditë të tëra, banorët e Odesës janë paralajmëruar për mundësinë e një zbarkimi rus. Banorët e dinë se tani është radha e tyre për të luftuar. Disa civilë tashmë kanë marrë armët.
CCN shkruan se të rinjtë thonë se këto episode të luftës i bëjnë gjyshërit e tyre të shpërthejnë në lot pasi kujtojnë tmerrin e vitit 1941 gjatë sulmit nga Gjermania naziste.
Teatri i Operas pranë qytetit është i fortifikuar – ashtu siç ishte më shumë se tetë dekada më parë.
Një burrë, Nick, thotë se nuk mund të mos qante pasi pa një fotografi të ndërtesës të bllokuar.
“Është e pamundur të imagjinohet se kjo foto në realitet, është vetëm kujtesa jonë”, tha ai.
Por ndërsa mund të duket sikur të gjithë po qëndrojnë për të luftuar, trenat po mbushen me njerëz – me nëna të reja dhe fëmijët e tyre – të dëshpëruar për të shpëtuar.
Ata panë marshimin rrëqethës të rusëve në qytetin Kherson, rreth 125 milje (200 km) në perëndim të Odessa – një qytet ku vendasit nuk e imagjinonin kurrë se do të kishin trupa ruse që ecnin nëpër rrugë./Opinion.al
