Forcat ruse kanë marrë kontrollin e zonës rreth termocentralit bërthamor të Zaporizhzhia të Ukrainës.
The Guardian raporton lajmin duke cituar shefin e mbikëqyrjes bërthamore të OKB-së, Rafael Grossi.
Në një deklaratë, Grossi tha se diplomatët rusë në Vjenë informuan Agjencinë Ndërkombëtare të Energjisë Atomike (IAEA) se personeli ka vazhduar punën e tij dhe se nivelet e rrezatimit “mbeten normale”.
Termocentrali bërthamor i Zaporizhzhia është termocentrali më i madh në Evropë dhe ka gjashtë nga 15 reaktorët e energjisë bërthamore të Ukrainës, sipas deklaratës.
Ka raportime për qytetarët ukrainas që bllokojnë rrugët që të çojnë në termocentral. Po ashtu janë transmetuar video të postuara në mediat sociale që tregojnë se ukrainasit po ndërtojnë postblloqe të improvizuara pranë qytetit Energodar, ku ndodhet uzina e Zaporizhzhia.
