Rudy Giuliani është një figurë e njohur politike në Shtetet e Bashkuara. Ai është pozicionuar në krah të presidentit Trump, e për këtë shpesh irriton gazetarët me deklaratat e tij, pasi Trump i quan këta të fundit “armiqtë e popullit”, raporton Opinion.al.
Në muajin mars ai dha një intervistë për emisionin Opinion, përballë gazetarit Blendi Fevziu, intervistë e cila e bëri më popullor në Shqipëri.
Giuliani ka folur nga New York në një përballje me gazetarin e NBC, Chuck Todd, duke e lënë atë pa fjalë me deklaratat e tij, të dielën, sipas Opinion.al
Gjatë intervistës në emisionin Meet the Press, avokati i Trump ka tentuar të shpjegojë pse klienti i tij nuk ka folur ende me këshillin special, shkruan Opinion.al, përsa i përket hetimit të tij për përfshirjen e Rusisë në zgjedhjet e vitit 2016, duke e justifikuar se “presidenti mund të përfshihet në dëshmi të rreme.”
Chuck Todd: "Truth is truth. I don't mean to go—"
Rudy Giuliani: "No, it isn't truth! Truth isn't truth!" pic.twitter.com/j8H1CIol5u
— Axios (@axios) August 19, 2018
“Sa herë komunikojmë, ne i kthejmë përgjigje menjëherë ndërsa ata pas 2-3 javësh. Nuk kam ndërmend ta nguc këtë dëshmi sepse Trump mund të përfshihet në dëshmi të rreme. Kur më thoni se ai duhet të dëshmojë pasi do të thotë të vërtetën, dhe s’ka pse të ketë frikë nga e vërteta, është budallallëk, sepse ky është versioni i dikujt për të vërtetën, jo e vërteta!” tha Giuliani.
“E vërteta është e vërtetë,” ndërhyn Todd
“Jo nuk është. E vërteta nuk është e vërtetë,” ia kthen Giuliani, duke e lënë drejtuesin e emisionit pa fjalë.
Deklaratat e Rudy Giulianit janë komentuar nga shtypi amerikan si një kujtesë që administrata e Trump jo vetëm që dëshiron të heqë qafe gazetarët, por s’ka asnjë interes për fakte të vërteta, komenton Mashable./Opinion.al
