Gazetarja, Rudina Xhunga në një shkrim për vdekje e turistit rus në Himarë, denoncon kulturën e mosndëshkimit dhe braktisjen e fajit në vendin tonë.
Xhunga, e cila prej shumë vitesh promovon turizmin shqiptar, i kërkon falje familjes së turistit duke i thënë: Më fal që të ftova të vije në Shqipëri.
“Epo unë i detyrohem një më fal dhe kjo është më e pakta, asaj gruaje e asaj fëmijë që humbën burrin e shtrenjtë të jetës, në Jon. Nuk panë emisionin tim, as më lexuan mua, por unë ndihem përgjegjëse. Se kam folur para kohe” shkruan Xhunga.
Gazetarja më tej thekson se askush nuk merr përgjegjësin mbi sype në këtë ngjarje pasi “ai që presupozohet ta ketë shkaktuar vdekjen e turistit, thotë se në fakt e ndihmoi, Kryetari i Bashkisë së Himarës thotë se turisti po notonte në ujëra të pakontrolluara prej tij, Ministria e Brendshme thotë se i ka dërguar 6 letra Bashkisë”.
Xhunga shkruna më tej se: “Kërkova informacion në mënyrë informale në Ambasadën Ruse, por nuk mora dot. Doja të dija ku ishin ato të dyja. I shikoja ashtu bashkë, dorë për dore, në mes të hiçit, vetëm dhe bosh. Nuk doja interviste, doja vetëm t’i ngushëlloja. Doja vetëm t’u thosha, më falni!”
Në fund, Xhunga e mbyll me një këshillë: Ndaj ngjarja me turistin rus, mund te mbajë larg jo thjesht rusët, por gjithë turistët, prej jugut, që ka ardhur koha të mësojë nga veriu si bëhet turizmi. Siç ka ardhur koha të mësojmë rregullin nr 1, nuk ftohen njerëz në një shtëpi që nuk është gati.
