Moderatorja e njohur Rudina Magjistari nuk ndan pothuajse asnjëherë detaje nga jeta private, pavarësisht kuriozitetit. Por sot ajo kishte të ftuar një tjetër moderatore në studio, Jona Spahiun. Jona pranoi ftesën e Rudinës për t’u rrëfyer në emision për dasmën, e cila ishte nga më të komentuarat vitin që shkoi. Ajo gjithashtu ndau me publikun ndjesi dhe emocione që lidheshin me shtatzëninë dhe lindjen e të birit.
Mesa duket, biseda me Jonën i ka shijuar aq shumë Rudinës sa ajo zgjodhi të ndajë disa detaje gjithashtu. Ajo pranoi se për të bijën, Mian, gjithmonë është kujdesur ajo vetë së bashku me bashkëshortin.
“Nuk kam pasur kurrë dado. Kam pasur sigurisht një zonjë që më ndihmon në shtëpi dhe herë pas here kur unë shkëputesha qëndronte dy orë me të, nëse kisha një punë. Por kam zgjedhur që unë dhe bashkëshorti im të jemi gjithmonë prezent dhe ta marrim gjithmonë me vete. Sa herë që kemi punë e marrim me vete,” tha Rudina./E.L
