Deputetja Rudian Hajdari ka folur me tone të ashpra nga foltorja e Kuvendit. Pasi ditën e djeshme ajo akuzoi opozitën jashtëparlamentare se ‘i shkel syrin’ mazhorancës, sot Hajdari drejtoi gishtin nga opozita brenda parlamentit.
Ndërsa theksoi se ndryshimi i sistemit zgjedhor është kauza më me vlerë e vendit ajo nënvizoi se ky sistem e ka kriminalizuar politikën dhe sipas saj kjo ka përfshirë edhe opozitën në parlament ku siç tha ajo “ka nga ata që duan ndonjë llokmë”.
“Tërhiquni nga vendimi për Teatrin se është i shenjtë dhe duhet ruajtur. Kam ardhur për të diskutuar një gjë tjetër, se sapo më erdhi lajmi.
Për Këshillin Politik, pasi ne diskutuam cështjen e ndryshimit të sistemit. Ju garantoj që ndryshimi I sistemit është kauza më me vlerë e vendit. Pasi pas cdo deputeti fshihet një biznesmen, që ka një kompani, pas ministrit ka një kompani që do bëjë pazare dhe asnjëherë në këtë kuvend nuk bëhen ligje për njerëzit, luhet me taksat e tyre cdo ditë, janë për të bërë këto pazare,skena politike është shnderruar me politikanë që pas vetes kanë një të fortë, biznesmen, narkotrafikant, ka edhe nga ata opozitar që duan një llokmë,mos bëni opozitë duke dashur llokma. Unë nuk bëhem pjesë e tyre.
Më kanë thënë që politika këshu bëhet, jo politika është për të dhënë shpresë, që shqiptarët të jenë krenarë, politika është ndryshe, e sot ne duhet ta bëjmë këtë, të ndryshojmë sistemin zgjedhor, ta mbarojmë këtë mision se është e rëndësishme që në parlament të vijnë njerz që përfaqësojnë qytetarin dhe jo biznesmeni, të mbarojë kjo mënyrë e shpifur që ne ulemi dhe i shkelim syrin njeri tjetrit, dalim këtu, bëjmë akuza, flasim për koncesione dhe në darkë ulemi për dakrë që të marrim një llokmë nga ai koncesion”, tha Hajdari.
Në fund të fjalës së saj deputetja Hajdari përplasi dorën në foltore dhe tha se do të luftojë deri në fund për të çuar deri në fund amanetin e babait të saj.
‘Unë nuk do jem kurrë mashtruese në këtë vend, nuk do dal nga asnjë qindartkë më shumë nga ky vend, do jem kjo që jam edhe pse do kem shkopinj, njerëz që do më ndalojnë, luftojnë, por ama dijeni mirë që shqiptarët do më shohin, e do e kuptojnë që unë jam Rudina Azem Hajdari e kjo do shkojë deri në fund, amanetin e tij do ta çoj deri në fund, mos e harroni kurrë”, përfundoi ajo. /Opinion.al
