Pasi opozita u largua nga tryeza e Këshillit Politik, deputetja Rudina Hajdari tha për mediat se propozimi i sotëm i Partisë Socialiste për listat dhe koalicionet janë hapa prapa dhe të papranueshme.
“Propozimi i PS është një propozim i papranueshëm, dhe të kuptoni që kërkon të mos hapë listat dhe ata thanë se kanë merak përzgjedhjen e grave në parlament. Po ta shikoni renditja e kandidatëve të rri e njëjtë dhe vetëm një kandidat preferencial të vijë nga jashtë që do të thotë se listat janë praktyikisht të mbyllura. PS po bën një hap pas, nuk është kjo lista e hapur dhe ajo që këkrojnë qytetartë. Kryetarët e partisë kanë ende fuqinë të vendosin në listë kë të duan, është një trup për të mbajtur listat e mbyllura, PS të reflektojë mbi këtë propozim. Nuk ndryshon asgjë. Ajo që është e rëndësishme është mbajtja e listave të hapura”, tha Hajdari.
Opozita ka bojkotuar mbledhjen e sotme të Këshillit Politik që ishte thirrur në orën 12:00. Arsyeja e bojkotit ka qenë drafti i prezantuar nga PS për ndryshimet e propozuara në Kodin Zgjedhor si rezultat i ndryshimeve kushtetuese të 30 korrikut. Opozita ka kundërshtuar formulën e koalicioneve të propozuar nga PS. Mazhoranca propozonte që koalicionet të garnonin në një listë, duke hequr kështu mundësinë për pasjen e koalicioneve parazgjedhore. Nga ana e saj opozita ka bërë sot një kërkesë zyrtare në Këshillin Politik që të merret asistenca dhe ekspertiza e OSBE/ODIHR-it për çështjen e ndarjes së mandateve dhe koalicioneve./ Opinion.al
