Deputetja Rudina Hajdari është përplasur në distancë këtë të shtunë me zëdhënësin e presidentit Ilir Meta. Fillimisht deputetja ka bërë një postim në Twitter teksa kritikonte kreun e shtetit.
“Sa turp! Presidenti jonë takohet me nënkryetarin e LSI-së dhe ish nënpunësin e tij se nuk takon dot gruan e tij si kryetare e LSI-së, ndërkohë nuk ka bërë asnjë tentativë për tu takuar me asnjë deputet të opozitës brenda Kuvendit të Shqipërisë dhe pretendon se është i paanshëm”, shkruante Hajdari.
Përgjigje do të merrte nga zëdhënësi i Metës, Tedi Blushi. Ky i fundit do t’i kujtonte deputetes edhe të ëmën, e cila është në pritje të kalimit të vettingut.
“I zhgënjyer shumë që Rudina nuk po e respekton “heshtjen zgjedhore” të partisë së saj të re që shkon nesër në votime. Megjithatë e mirëkuptojmë për shpërdorimin që i bën mbiemrit Hajdari, të paktën derisa t’i kalojë mami vettingun”.
Por nuk ka përfunduar me kaq. Sërish do të reagonte Rudina Hajdari, që sipas saj fati i të ëmës është në dorë të KPK./ Opinion.al
