Rudina Hajdari ka vendosur që të krijojë një parti të re. Emri i partisë së re do të jetë “Bindja Demokratike”. Pjesë e saj do të jenë ish-zyrtarë të Partisë Demokratike. Konfirmohet se pjesë e partisë së Rudina Hajdarit do të jetë edhe Astrit Patozi.
Pas deklaratës së ambasadës amerikane, një ditë më parë, e cila nxit këdo që ka dëshirë të kandidojë të futet në zgjedhje reagoi dhe deputetja Rudina Hajdari. Në një koment në Twitter, Hajdari shkruan se bojkotimi i zgjedhjeve është vetëvrasje politike.
“Ne nuk jemi dakord me bojkotimin e zgjedhjeve si një alternativë opozitare, kundër cilësdo qeverie, sado e kompromentuar dhe e korruptuar qoftë ajo. Ne e konsiderojmë atë si vetëvrasje politike. E vetmja rrugë për të ndryshuar pushtetin në një vend demokratik janë zgjedhjet”, shkruan Hajdari.
Mbetet ende e paqarte se si do të garojë në zgjedhje partia “Bindja demokratike” pasi afati për regjistrimin e partive në zgjedhjeve skadon të martën, por kodi krijon mundësi edhe për garë me kandidatë të pavarur regjistrimi i të cilëve ka afat deri në 13 maj.
Kjo nuk është hera e parë që Partia Demokratike çahet e prej saj krijohen parti të reja siç është rasti i partisë se drejtuar nga Genc Pollo, Partia Demokratike e Reformuar apo edhe rasti i Bamir Topit me Frymën e Re Demokratike. /Opinion.al
