Deputetja Rudina Hajdari është shprehur se kryetari i Partisë Demokratike, Lulzim Basha duhet të kishte dhënë dy herë dorëheqjen nga drejtimi i kësaj partie.
Teksa i është referuar deklaratës së djeshme të Bashës, ku u tha se opozita është e gatshme të krijojë një platformë kombëtare për daljen e vendit nga kriza, Hajdari thekson se opozita nuk do të mund të shpëtojë dot.
Postimi i Hajdarit
Duhet një “shkollë politike” për kryetarët e partive kryesore mbi ndryshimin e sistemit në mënyrë që të bien me këmbë në tokë.
Marrëveshja nuk e shpëton dot këtë herë opozitën joparlamentare. Deri tani Kryetari i Partisë Demokratike duhet të kishte dhënë dorëheqjen 2 herë, dhe me këtë marrëveshjen tjetër që kërkon të bëjë me Ramën me anë të “Platformës Kombëtare” (pa realizuar asnjë objektivë deri tani) do jetë e treta e vërteta. Sepse demokratët nuk kanë ndërmend ta bëjnë Edi Ramën, të pavdekshëm./ Opinion.al E.Xh.
