Kryetari i Kuvendit Gramoz Ruçi uroi sot 1 Majin, duke thënë se ka ardhur koha që të ulet politika nga tribuna dhe të ngjitet puna. Në një mesazh të gjatë, Ruçi thotë se për punëtorët është një ditë nderimit, ndërsa për politikanët një ditë reflektimi.
“Dikush nga ata që prodhojnë vetëm fjalë mund ta quajë një veprim të vjetëruar nderimin për 1 Majin. Për mua respekti për ata që prodhojnë të mira materiale e publike, është modern, bashkëkohor dhe njerëzor. Sot edhe unë ndjehem një punëtor, sindikalist, student, mësues, infermier, polic. 1 Maji na kujton se Shqipëria ka nevojë për politika më të mira, në rradhë të parë për botën e punës. Prandaj, të ulim nga tribunat e foltoret politikanët dhe të ngjisim në to njerëzit e punës”, shprehet ndër të tjera Ruçi në mesazhin e tij./Opinion.al
