Kryeparlamentari Gramoz Ruçi ka mbajtur ditën e sotme fjalën e tij të fundit si deputet, teksa ka bërë një bilanc të veprimtarisë së Kuvendit gjatë legjislaturës, shtator 2017-shtator 2021.
Ruçi u shpreh se kjo legjislaturë ishte një kantier i madh dhe produktiv i procesit ligjbërës.
Ndër të tjera sipas Ruçit kjo legjislaturë ka qenë periudha në të cilën Kuvendi është hapur më se shumti drejt medias, shoqërisë civile dhe grupeve të interesit.
“Siç dihet kjo është seanca efundit plenare e legjislaturës së 9-të. Disa arritje dhe problematika si dhe për përmbushjen nga Kuvendi të funks të veta. Kjo ishte legjislatura e 100-vjetorit të parlamentarizmit shqiptar. Ishte një kantier i madh dhe produktiv i procesit ligjbërës. Ishte legjislatura e zbatimit të reformës në drejtësi. E kryerjes së reformës zgjedhore dhe avancimit të reformave mjaft të rëndësishëm, kur Kuvendi u hap më shumë drejt shoqërisë civile, drejt medias, grupeve të interesit dhe qytetarëve, e përballimit të një sfide të madhe globale, të pandemisë, e përballimit të pasojave të tërmetit.
424 propozim të qeverisë, 59 nisma të deputetëve, 3 propozime të përbashkëta midis qeverisë dhe deputetëve dhe një propozim i një deputeti. 141 u miratuan me shumicë absolute.
Kuvendi miratoi planin e zhvillimit strategjik. Plani strategjik është një udhërrëfyes që ndërthur misionin, vizionin, vlerat prioritare, objektivat strategjikë”, deklaroi ndër të tjera Ruçi.
