Kreu i Kuvendit, Gramoz Ruçi zhvilloi një takim me kryetarin e Nënkomisionit për BE-në në Parlamentin e Austrisë, Reinhold Lopatka.
Mësohet se në fokus të diskutimeve ka qenë procesi i çeljes së negociatave të Shqipërisë me Bashkimin Europian.
Lopatka është shprehur se Austria mbështetet hapjen e negociatave të Shqipërisë me BE dhe integrimin e Ballkanit Perëndimor.
“Qëndrimi i Austrisë nuk është sekret. Ne mbështesim fuqimisht hapjen e negociatave me Shqipërinë në qershor 2019. Të gjitha grupimet politike në Parlamentin e Austrisë janë në favor të hapjes së negociatave me Shqipërinë. Austria po shërben si një urë për të bashkuar Bashkimin Europian me Ballkanin Perëndimor.
Po ashtu, Ruçi ka realizuar edhe një takim me Presidentin e Senatit të Austrisë, Appé, i cili shtoi se Austria do lobojë dhe në vendet skeptike në favor të Shqipërisë.
“Austria mbështet fuqimisht hapjen e negociatave. Austria do të lobojë edhe me vendet skeptike.”
Në këtë vizitë Kryetari i Kuvendit shoqërohet nga Kryetari i grupit Parlamentar të PS, Taulant Balla, deputeti Fate Velaj dhe Ambasadori i Shqipërisë në Austri, Roland Bimo./ Opinion.al E.Xh.
