Kryetari i Kuvendit ndërpreu për seancën plenare, pasi disa nga deputetët e opozitës bllokuan foltoren për shkak se Ruçi nuk i dha fjalën Myslym Murrizit.
Ruçi i tërhoqi vëmendjen duke e paralajmëruar se do ta përjashtojë nga seanca nëse nuk ulet, por Murrizi nuk u tërhoq. Përballë situatës së krijuar, PS-ja kërkoi 5 minuta pushim të seancës plenare.
Debati Ruçi-Murrizi
Gramoz Ruçi: Ka mundësi të ulesh poshtë, se do të zbatoj rregulloren. Ka mundësi të më dëgjosh
Myslym Murrizi: Nuk të dëgjoj fare
Shërbimi i Kuvendit shkon në foltore
Gramoz Ruçi: Ikni andej ju të shërbimit, nuk ka nevojë, ju të shërbimit. Atëherë keni fjalën, e para Kujtim Gjuzit nuk i dhashë fjalën për replikë, se kishte radhën. E dyta keni në dispozicion edhe 15 minuta për cështjen që do të hap tani. Vazhdojmë me projektligjin për parandalimin e krimit. Zoti Murrizi ulu se të jap fjalën menjëherë, ulu poshtë se do të marrë masa, po të jap vërejtje. Po pres dy minuta do të përjashtohesh nga salla. Po ulu more ulu.
Seanca e Kuvendit është ndërprerë dhe për herë të dytë, pasi opozita bllokoi foltoren duke mos lejuar që të flasë ministri i Brendshëm Lleshaj, pasi më parë kërkojnë që të replikojnë për deklaratat e kryeministrit Edi Rama.
Debati me Halit Valterin
Gramoz Ruçi-Halit Valterit: Po të tërheq vëmendjen sipas rregullave të etikës
Halit Valteri: Gjithmonë kështu na e bën ti
Gramoz Ruçi: Halit mos bëj të fortin se do të përjashtohesh nga seanca. Po të paralajmëroj po vete 2 minutëshi do të përjashtohesh. Nuk ka këllqe asnjëri që të më kundërshtojë mua, të kam paralajmëruar tre herë deri tani. Ulu ti nuk ke të drejtë të kërkosh se je në pikën që përjashtohesh nga seanca.
Myslym Murrizi: Bëj 5 minuta pushim
Gramoz Ruçi-Murrizit: Ministrit i është dhënë fjala, sa të mbaroj 5 minuta pushim. Babën as ta kam zënë, as mos ma zër me gojë. Ministër mos repliko./ Opinion.al
