Më 17 korrik do të nisë transmetimi i “Narcotica”, program i realizuar nga Valerio Cataldi në bashkëpunim me Raffaella Pusceddu, dhe që do të paraqesë një udhëtim në rrugët e trafikut të drogës.
“Narcotica” është një program i ndarë në pesë episode, që nis si një zhytje në zonat e ndaluara ku mbretëron korrupsioni dhe dhuna, kontrolli i të cilave është kontestuar nga kartelet e trafikut të drogës, grupet e guerrilasve, paramilitarët apo grupet e panjohura për policinë.
Nga Kolumbia në Meksikë e deri në Kalabri, prokurori Nicola Gratteri dhe ekipi i tij do të shoqërojnë shikuesit në këtë udhëtim me historinë e hetimeve që kanë zbuluar lidhjet e “Ndranghetas me trafikantët e drogës në Amerikën e Jugut”.
Nga fushat e luleve të opiumit në Meksikë, si prodhuesi i tretë në botën e heroinës dhe një nga vendet më të dhunshme në planet me 33,341 vrasje të kryera në 2018 (mbi 91 ditë), udhëtimi zhvendoset në Itali, ku gërshetohen historitë paralele të religjionit oportunist të “Ndranghetas me atë primordial të meksikanëve dhe kultin pagan të Santa Muerte”.
Pjesë e udhëtimit do të jenë edhe fushat e kokainës dhe laboratorët e fshehur në xhunglën kolumbiane, ku prodhohet 70 përqind e të gjithë kokainës të prodhuar në botës. Në Kolumbi rrëfimi bëhet nga 13-vjeçarë që rrezikojnë edhe jetën e tyre dhe mbajnë mbi shpine çanta prej 70 kilogramë me gjethe të kokainës. Ndonëse paguhen vetëm disa ‘pesos’, ata japin shifra të çmendura për grupet kriminale, dhe tregojnë përpjekjet e vazhdueshme të priftërinjëve për ti larguar nga territoret e krimit.
Udhëtimi nëpër rrugët e krimit mbërrin edhe në Shqipëri, duke iu afruar fushave të marihuanës. Pikërisht aty ku mafja shqiptare është rritur dhe po merr kontrollin ekskluziv të trafikut të heroinës dhe kokainës në rrugën e Ballkanit, si portet kryesore të Evropës veriore ku mbërrijnë ngarkesa nga Amerika e Jugut./Opinion.al
