Edhe pse reshjet e borës kanë ndaluar, shumë rrugë janë ende të bllokuara dhe kalohen me vështirësi. Kjo pasi temperaturat e ulta kanë shkaktuar ngrica në rrugë. Autoriteti Rrugor Shqiptar thotë se rekomandohet përdorimi i zinxhirëve, si më poshtë:
Dibër-Lëvizja rekomandohet me zinxhirë në: Domaj-Draje Rec, Ura e Cerenecit-Steblevë, Kuben-Vasije, Peshkopi- Qafë Drajë, Peshkopi-Ushtelencë, Ura Cerenecit-Steblevë, Qafë Bualli-Krastë, Trebisht-Doganë. Ndërkohë, në akset e tjera qarkullimi është normal.
Tiranë dhe Krujë-Në aksin nga Trau i Dajtit-Teleferik-Vilat Qeveritare rekomandohet përdorimi i zinxhirëve për shkak të ngricave; sikurse edhe në Qafë Priskë-Shëngjergj, Qafë Priskë-Qafë Mollë, Qafë Mollë-Shëngjergj, si dhe në Lunik-Steblevë, veçanërisht në pjesën fundore të tij. Aksi Krujë-Sarisalltik rekomandohet pjesërisht me zinxhirë. Në akset e tjera, qarkullimi është normal.
Korçë-Qarkullimi rekomandohet me zinxhirë në Korçë-Boboshticë, Dardhë dhe Qafë Qarri-Ersekë.
Në Qarkun e Gjirokastrës, qarkullimi është normal dhe pa probleme. Në Qarkun e Vlorës, qarkullimi i mjeteve bëhet normalisht, pa zinxhirë.
